MuZaFir..the traveller...

FAKE !..

2012-02-11T15:56:00.000-08:00

ഇത് സോഷ്യല്‍ നെറ്റ്‌വര്‍ക്ക്
രഹസ്യങ്ങള്‍ തുറക്കപ്പെടുന്ന ലോകം..

ബിംബങ്ങളും പ്രതിബിംബങ്ങളും

നിര്‍ജീവമായ ലോകം

ഇവിടെ നിങ്ങള്‍ക്ക് മുഖം മൂടികള്‍ കാണാം..

വിയര്‍പ്പിന്റെ ഉപ്പോ

ചോര അട്ടവന്റെ മരവിപ്പോ ഇവിടെ കാണില്ല..

സൈബര്‍ കഫേയിലെ ശീതീകരിച്ച ലോകം പോലെ

ശവം മണക്കും ചിത്രങ്ങള്‍..

കൃത്രിമ ചിരിയും.. സ്വയം ഭോഗ ദൃശ്യങ്ങളും

ഇവിടെ നിറഞ്ഞു നില്‍ക്കും..

ഇത് കപട ദൈവങ്ങളുടെ ലോകം..

"LOL ! LMAO ! ROFL !"ഈ കവിത എഴുതിയവന്റെ FAKE പ്രൊഫൈല്‍ ഡിലീറ്റ് ആക്കപ്പെട്ടിരിക്കുന്നു...!

കണ്ണ് !

2012-02-11T15:42:00.000-08:00

എന്റെ ഹൃദയം നീ പിളര്‍ക്കുക..

കാണില്ല.. 'ഞാനും''നീയും'

ഒഴുകുന ചോരയുടെ ഗന്ധവും..

കാണാം..ഒരുപിടി ചാരവും രോസാധലങ്ങളും..

പ്രണയത്തെ മറന്ന ലഹരീ..

നീയെനിക്ക് പ്രിയന്‍..

ഫ്രേമുകളില്‍ ജീവിതം പകര്‍ത്താന്‍ ശ്രമിച്ച

എന്റെ കണ്ണുകളോട് എനിക്ക് വെറുപ്പ് !

നീയെന്തിനു മറചുവച്ചു ?
നഗ്നതയും യാതാര്ത്യങ്ങളും..??

സമയം

2012-02-11T15:35:00.000-08:00

എനിക്കറിയില്ല..

എന്തിനീ ഡയറിയില്‍

ദിവസം കുറിചിട്ടുവെന്നു ?
എന്തിനിങ്ങനെ ദിനങ്ങള്‍

എന്നിതീര്‍ക്കുന്നുവെന്നു..

എന്തിനു നിങ്ങള്‍ വര്‍ഷങ്ങളായ്

വേര്‍തിരിക്കുന്നതെന്ന്..

എന്തിനു നീ സ്വയം തോല്‍ക്കുന്നുവെന്നു ?

COPY LEFT

2012-02-11T15:29:00.000-08:00

ചെങ്കല്ലടുക്കിവച്ച മതില്‍ക്കെട്ടിലെ

കുറിപ്പുകള്‍ എനിക്ക് പ്രിയം ..

അതില്‍ വിപ്ലവമുണ്ട്..

രാഷ്ട്രീയമുണ്ട്..

കവിതയുണ്ട്..

"ഇവിടെ പരസ്യം പതിക്കരുത്"

വെള്ളതെച്ച്ച മതിലുകളില്‍

കറുപ്പ്കൊണ്ടെഴുതിയ

കുറിപ്പില്‍ നിറയുന്നു..

അസഹിഷ്ണുത..

സ്വാര്‍ഥതയുടെ വേരുകള്‍ മതിലുകള്‍ കെട്ടുമ്പോള്‍..

നമുക്കെഴുതാം..

COPY LEFT

ഗദ്ദര്‍..അഥവാ വിപ്ലവം !

2012-02-11T15:21:00.000-08:00

"ലോകം ലോകനിക്കന്പുനംതാ
നീ കടുപ്പാലോ നിപ്പുകനി

എന്തെരോ ധിക്കിളിയനക്ക് കന്നതലൈനാ

ഹോ സെങ്കുടിയമ്മാ

നീയെന്ത പ്രേമം"
ഗദ്ദര്‍..
നീ പാടി ഉണര്‍ത്തി

ഞങ്ങളുടെ രാഷ്ട്രീയം

നീ പകര്‍ന്നു തന്നു..

തെലുങ്കാനയുടെ ചൂടും ചൂരും..

സഖാവേ..മുഴങ്ങുന്ന നിന്‍ ശബ്ദം

നമുക്ക് പകര്‍ന്നു തന്നു..ധീര സ്വപ്‌നങ്ങള്‍..

അജ്ഞാത സുഹൃത്തിന്..

2012-02-11T14:49:00.000-08:00

ഓഫീസിലെ തിരക്കും മേലുദ്യോഗസ്ഥന്റെ ശാസനയും വരുത്തിയ ക്ഷീണം തീര്‍ക്കാന്‍ രണ്ടു പെഗ് വോഡ്ക അകത്താക്കി ടി.വി യില്‍ വരുന്ന പുതുമയില്ലാത്ത പ്രധാനവാര്തകല്‍ക്കൊപ്പം റൂമിലെത്തിയ കോളേജ് വിദ്യാര്ത്തികളോട് കുശലം പറഞ്ഞുകൊണ്ടിരിക്കുംബോഴാണ് മൊബൈല്‍ ശബ്ദിച്ചത്..ഒരു മെസേജ്..ഇങ്ങനെ എഴുതിയിരിക്കുന്നു..

"വിധിയുടെ വികൃതിയില്‍ തകര്‍ന്നു പോയ ഒരുവന്റെ കഥയാണ് എന്റെ ജീവിതം..ആ ജീവിതം എനിക്ക് തന്നവള്‍ വെറുമൊരു കപട നാട്ട്യക്കാരി.. "

ചാനലു മാറ്റുന്നതിനിടയില്‍ കണ്ട വലാലന്റിനെ ഡേയ് പരിപാടികള്‍ സ്വാഭാവികമായും എന്റെ ചിന്തയെ കൊണ്ടെത്തിച്ചത് ഏതോ നിരാശാ കാമുകന്റെ ദുഖം നിറഞ്ഞ വാക്കുകള്‍ എന്നാ തോന്നളിലെക്കാണ്..എന്നാല്‍ ആ വരികള്‍ എവിടെയൊക്കെയോ മുഴച്ചു നില്‍ക്കുന്നതുപോലെ തോന്നി..ഒരിക്കല്‍ കൂടി അയച്ചത് ആരാണ് എന്ന് ഉറപ്പു വരുത്തി..'പ്രസാദ്'!അയാള്‍ ആരാണെന്ന് ചോദിച്ചാല്‍ ഒരു അപരിചിതന്‍ എന്നതിലപ്പുറം ഒന്നും പറയാന്‍ പറ്റാത്ത അവസ്ഥയിലാണ് ഞാന്‍.... ഒരു കൊഴികോടന്‍ യാത്രയില്‍ ട്രെയിനില്‍ വച്ച് കണ്ടെത്തിയ ഒരു മനുഷ്യന്‍ !ആദ്യം പരിചയപ്പെട്ടപ്പോള്‍ പേരും കുടുംബ പശ്ചാതലവുമൊക്കെ വിവരിച്ചു.. പൊതുവേ കാലം മനുഷ്യനെ അന്തര്മുഖന്മാരാക്കുന്നു..അപരിച്ചതരോട് എല്ലാം തുറന്നു പറയാന്‍ മടിക്കുന്ന കാലം..ഒരു പാലക്കാടുകാരന്‍...
അച്ഛന്‍ പണ്ടേ മരിച്ചു ! അമ്മ എവിടെയോ നേഴ്സ് ആണ് എന്നും ജനിച്ചു വളര്‍ന്നത് ആന്ദ്ര പ്രടെഷിലാനെന്നുമൊക്കെ നിര്‍ത്താതെ പറഞ്ഞു.. എന്തോ സ്ഥാപിച്ചെടുക്കാനുള്ള തത്രപ്പാടും വല്ലാത്തൊരു പരുങ്ങലും അയാളുടെ മുഖത്ത് കാണാമായിരുന്നു..
കൊഴികോട് എത്തിയപ്പോള്‍ യാത്ര പറഞ്ഞു ഞങ്ങള്‍ പിരിഞ്ഞു..പിരിയുന്നതിനു മുന്‍പേ അയാള്‍ എന്റെ ഫോണ്‍ നമ്പറും വാങ്ങിച്ചു.. എന്ടുകൊന്ടെന്നറിയില്ല..എന്തോ അയാളോട് വ്വല്ലാതെ വിശ്വാസം തോന്നിയതിനാല്‍ മടിക്കാതെ നമ്പര്‍ കൊടുത്തു..

രണ്ടു ദിവസം കഴിഞ്ഞു അയാള്‍ വീണ്ടും വിളിച്ചു..വീണ്ടും ഓഫീസിന്റെ ചുമരുകള്‍ക്കിടയില്‍ ജീവിതം ചുരുക്കിയ എനിക്ക് ആ അപരിചിതനെ പെട്ടെന്ന് ഓര്മ വന്നില്ല.."ചേട്ടാ ഞാനാ പ്രസാദ്' എന്ന് പറഞ്ഞുകൊണ്ട് അയാള്‍ തുടങ്ങി..ആദ്യം ഒന്നും മനസ്സിലായില്ല..പിന്നെ അയാളുടെ വാക്കുകള്‍ അടങ്ങിയിരുന്നു കേട്ടു..ട്രെയിനില്‍ നിന്ന് സംസാരിച്ച രീതിയിലല്ല അയാളുടെ ഇപ്പോഴത്തെ സംസാരം..ഞങ്ങള്‍ തമ്മില്‍ എത്രയോ കാലത്തെ അടുപ്പം ഉള്ളതുപോലെ അയാള്‍ തന്റെ കഥ വിവരിക്കാന്‍ തുടങ്ങി..

"നിങ്ങളെ ഞാന്‍ വിശ്വസിക്കുന്നു..അതിനാല്‍ എന്റെ കഥ നിങ്ങള്‍ അറിയേണം.."അയാളുടെ പേര് പ്രസാദ്..ജനിച്ചതും വളര്‍ന്നതും ഒക്കെ അനാഥാലയത്തില്‍.... കൊച്ചിയിലെ ഒരു സ്കൂളില്‍ വിദ്യാഭ്യാസം നേടി..അച്ഛനെ അറിയില്ല..അമ്മ ചെറുപ്പത്തില്‍ ആരുടെയോ ഒപ്പം പോയി..ഞങ്ങള്‍ ഇരട്ട സഹോദരന്മാര്‍ ആയിരുന്നു..അനിയന്‍ ചെറുപ്പത്തിലെ മരിച്ചു.. ഇപ്പോള്‍ ബന്ധു എന്ന് പറയപ്പെടുന്ന ഒരേ ഒരാളോടൊപ്പം പാലക്കാട് കഴിയുന്നു..

"ഞാന്‍ അന്ന് പറഞ്ഞതൊക്കെ കള്ളമാണ്.."അയാള്‍ നിര്‍ത്തി..
എന്ത് പറയേണം എന്നറിയില്ല..പിന്നെ വിളിക്കാം..എന്ന് പറഞ്ഞുകൊണ്ട് തത്കാലം സംഭാഷണം അവസാനിപ്പിച്ചു..പിന്നീട് അയാള്‍ മെസ്സെജുകളിലൂടെ തന്റെ ദുഖം പങ്കുവയ്ക്കാന്‍ തുടങ്ങി..
അതെ..അങ്ങനെയാണ്..എഴുത്തിലൂടെ ദുഖങ്ങള്‍ പങ്കുവയ്ക്കുമ്പോള്‍ അത് മനസ്സിനെ ശാന്തമാക്കും..

ഏട്ടാ..ആ മൊബൈലും പിടിച്ചു ഇരുത്തം ആയോ..ഈ കുപ്പി മുഴുവന്‍ നമ്മള് തീര്‍ക്കുവേ.. കോളേജ് വിദ്ധ്യാര്തിയായ സുഹൃത്ത് പെട്ടെന്ന് എന്നെ സ്വബോധത്ത്തിലേക്ക് എത്തിച്ചു.. അയാള്‍ അയച്ച മെസേജ് അയാളുടെ അമ്മയെ കുറിച്ചാണ്..ആരാണ് അവര്‍.. ? ആരാണ് അയാള്‍.. ? ഇല്ല ഒന്നും അറിയില്ല.. ഒന്നുക്കില്‍ ഒരു നിഷ്കളങ്കനായ ശുദ്ധ ഹൃദയന്‍...... അല്ലെങ്കില്‍ മറ്റെന്തെങ്കിലുമോ..പക്ഷെ എന്തോ അയാള്‍ എന്റെ ചിന്തകളെ അലട്ടുന്നു..
അയാള്‍ എന്തിനാണ് എന്നോട് ഇത്രയും അടുപ്പം കാണിക്കുന്നത് ? എന്ത് കൊണ്ട് അയാള്‍ എന്നോടിത്ര അടുത്തു.. ഒന്നിനും ഉത്തരമില്ല.. ഉത്തരമില്ലാതിരിക്കുന്നതാണ് ഈ കഥയുടെ സുഖവും..
ജീവിതത്തില്‍ അപരിചിതനായ് അയാള്‍ തുടരട്ടെ..അനാഥത്വവും ഒരു സുഖമാണ്.. എന്തിനു അയാളെ ക്കൂടി ബന്ധങ്ങളുടെ ചങ്ങലയില്‍ കൊര്‍ക്കേണം.. ഒരിക്കല്‍ കൂടി മൊബൈല്‍ ശബ്ദിച്ചു..

|" Distance dont matter,when memories are sweet..
special people are never forgotten,
they remain alive as heart beat.. "good nyt bro..|
വാലെന്ടിന്‍സ് ഡേയുടെ സ്പെഷ്യല്‍ സംഗീത പരിപാടിയില്‍ കാമുകിക്ക് പാട്ട് ഡെഡിക്കേറ്റ് ചെയ്ത അപരിചിതനോടൊപ്പം.. ഒരു പെഗ്ഗ് അജ്ഞാതനായ ആ സുഹൃത്തിന് ഡെഡിക്കേറ്റ് ചെയ്തുകൊണ്ട് ഞാന്‍ എന്റെ ലോകത്തിലേക്ക് ഉള്‍വലിഞ്ഞു..

ആത്മഭാഷണങ്ങള്‍....

2012-01-23T12:12:00.000-08:00

സ്വത്വബോധം വലിച്ചെറിയാന്‍ പ്രേരിപ്പിച്ച അജ്ഞാതനായ സഖാവിനു നന്ദി.. പേര് കൂട്ടി വായിക്കാന്‍ പഠിപ്പിച്ച അദ്ധ്യാപകരേ..നിങ്ങളെന്റെ വഴിതെറ്റിച്ചു..സ്കൂളിലെ അഡ്മിഷന്‍ മുതല്‍ ജാതിയും മതവും ചേര്‍ക്കാന്‍ പ്രേരിപ്പിച്ച അധികാരികളും പൊതുവേദികളില്‍ ഉറക്കെപാടുന്ന പ്രാര്‍ഥനാ ഗാനങ്ങളും ക്ലാസ് മുറികളിലെ അസംബന്ധ മൌന ആചാരങ്ങളും ഇന്ന് എന്നില്‍ നിന്നും ബഹുദൂരം അകന്നിരിക്കുന്നു..ഇപ്പോള്‍ ഞാനൊരു സഞ്ചാരിയാണ്..'മുസാഫിര്‍' ആരെന്നോ എന്തെന്നോ നിങ്ങള്‍ ചോദിക്കരുത്.. നിങ്ങളുടെ യാത്രകള്‍ക്കിടയില്‍ എപ്പോഴോ നിങ്ങള്‍ കണ്ടു മറന്നതും പിന്നീട് ആലോചിക്കാത്തതുമായ ആ വഴിപോക്കന്‍..അതാണ്‌ ഞാന്‍..........

എവിടെയും എന്റെ പേരും നാമവും എഴുതപ്പെടരുത്..വിപ്ലവങ്ങള്‍ക്ക് ഉണര്തുപാട്ടായ ചുമരെഴുത്തുകള്‍ പോലെ ഇതും നിങ്ങള്‍ മറക്കുക.. ചുമരെഴുതുക്കള്‍ വായിക്കുമ്പോള്‍ നിങ്ങള്‍ അതെഴുതിയവരെക്കുറിച്ച് ചിന്തിക്കാറുണ്ടോ ?
ഒരിക്കലും പേരും നാളും വ്യക്തമാക്കാന്‍ ആഗ്രഹിക്കാത്തവരെക്കുരിച്..അവര്‍ നമുക്ക് പകര്‍ന്നു തന്ന സാമൂഹ്യ ബോധത്തെ കുറിച്ച് ?
"ഇവിടെ പരസ്യം പതിക്കരുത്" എന്ന് സ്വന്തം പരസ്യം എഴുതി നിറയ്ക്കുന്ന ച്ചുകരുകളില്‍ കരിക്കട്ടകൊണ്ടും ഇഷ്ട്ടികകൊണ്ടും നിങ്ങള്‍ എഴുതി വയ്ക്കുക..നിങ്ങളുടെ രാഷ്ട്രീയവും നിങ്ങളുടെ മനസ്സും..
ചുമരെഴുതിയ മഹാന്മാരായ എഴുത്തുകാര്‍ക്ക് ഈ സഞ്ചാരിയുടെ അഭിവാദ്യങ്ങള്‍.. നിങ്ങള്‍ നമ്മെ മുന്നേ നയിച്ചവര്‍..
ഒന്നും ചെയ്യാന്‍ പറ്റാതെ തളയ്ക്കപ്പെട്ടവന്റെ അവസ്ഥയെക്കുറിച്ച് നിങ്ങള്‍ ചിന്തിച്ചിട്ടുണ്ടോ.? അതാണ്‌ ഇന്ന് എന്റെ അവസ്ഥ..ചുണ്ടുകള്‍ മാറി വരുന്ന പുകച്ചുരുളുകള്‍ കരളു കാര്‍ന്നു തിന്നുവോളം ആഞ്ഞുവളിക്കാന്‍ പഠിച്ചിരിക്കുന്നു..ചടുല സംഗീതത്തിന്റെ ഭ്രാന്തമായ ആവേശം ഇന്നെന്റെ ഭാഗമായിരിക്കുന്നു..ഒരു ദിവസത്തിന്റെ തുടക്കം മുതല്‍ ഒടുക്കം വരെ മാറി മാറി വരുന്ന കാപ്പിയുടെ ചെറു കയ്പ്പ് എന്നെ ഏതോ ഉന്മാദാവസ്ഥയില്‍ എത്തിക്കുന്നത് പോലെ..
മാര്‍ക്സും ഫ്രോയിഡും ടെറി ഈഗ്ലെടുന്നും മാറി മാറി വരുന്ന ഇന്റര്‍നെറ്റ്‌ പുസ്തകശാലയില്‍ എവിടെയൊക്കെയോ കണ്ണുകളുടക്കി ഇന്റര്‍നെറ്റ്‌ ലോകത്ത് ഫ്രോയിഡിന്റെ സിദ്ധാന്തങ്ങള്‍ ആവര്‍ത്തിച്ചു സ്വയം വിമുക്തനാകുന്ന പ്രവാസം !
എഴുതപ്പെടാതെ പോയ പുസ്തകങ്ങളുടെ കൂട്ടത്തില്‍ എന്റെ ഈ ആത്മഭാഷണങ്ങളും കാണും..ചുമരെഴുതുകളോളം ശക്തമായ് എഴുതാന്‍ പറ്റാത്തതിന്റെ നിരാശയും..പ്രവാസത്തിന്റെ വീര്‍പ്പുമുട്ടലും..

മുസാഫിര്‍

2012-01-06T07:37:00.000-08:00

മറക്കുക.."പിഴച്ചുപോയ" വഴികളും
ഓര്‍ക്കാനിഷ്ട്ടപ്പെടാത്ത്ത പേരുകളും
ചോദ്യം ചെയ്യുക..
വഴിവെട്ടിയോരെയും
കപട മുഖംമൂടികളെയും
ഇതെന് 'സ്വത്വം'
ഞാന്‍ മുസാഫിര്‍..
ഒരു സഞ്ചാരി..
ഇതെന് പേര് പൊരുള്‍..രാഷ്ട്രീയം..

പ്രണയിനി

2011-12-11T13:12:00.000-08:00

മറക്കുക പ്രണയമേ ഈ ജാരനെ..

നിന്റെ രാത്രിയുടെ നിശബ്ദത നശിപ്പിച്ച കാട്ടാളനെ..

നിന്‍ മാറോടു ചേര്‍ന്നു ഞാന്‍ ഉറങ്ങിതീര്‍ത്ത രാത്രികളില്‍

നീ എനിക്ക് പകര്‍ന്നുതന്ന ലഹരിയുടെ ചഷകങ്ങളും

നമ്മള്‍ ചുംബിച്ചു തീര്‍ത്ത പുകച്ചുരുളുകളും

നീ ഓര്‍ക്കുന്നുവോ നേരുദൂയുടെ കവിത വായിച്ച്

നമ്മള്‍ തീര്‍ത്ത സ്വപ്‌നങ്ങള്‍..

വരികളിലെവിടെയോ ഞാനും നീയും ഒരു മഴയ്ക്കായ്‌ കാത്തിരുന്നതും..

മറക്കുക പ്രണയിനീ എന്റെ പേര്

ആര്‍ദ്രമാം നമ്മുടെ ഓര്‍മ്മകള്‍..

നമ്മള്‍ പങ്കുവച്ച ചുംബനവും ലഹരിയും

ഓര്‍ക്കരുത് ഈ ഏകാന്ത പഥികനേ

വഴിതെറ്റി നിന്നരികിലെതിയ ഭ്രാന്തന്റെ ജല്പ്പനങ്ങളെ..കവിതകളെ..

കുഴിച്ചുമൂടുക ഈ ഭ്രാന്തന്റെ സ്മൃതികള്‍..

ശവകുഴിയിലിരുന്നു നെരൂദ മന്ത്രിക്കുന്നു..

"പ്രണയമെത്രമേല്‍ ഹ്രസ്വം

വിസ്മ്രിതി അതിലുമെത്രയോ ദീര്‍ഘം.."

ഡയറി

2011-12-07T13:30:00.000-08:00

ഈ കവിതകള്‍ ഒരു ഇന്ക്യുബേറ്ററില്‍ വയ്ക്കുക..
നമുക്ക് കവിതകളുടെ മുട്ടകള്‍ വിരിയിക്കാം..
അല്ലെങ്കില്‍ ജല്പ്പനങ്ങളുടെ സന്താനങ്ങളെ..
വെല്ലുവിളിക്കും ഭ്രാന്തന്മാരെ !..

തോറ്റ മനുഷ്യരോട്

2011-12-07T13:24:00.000-08:00

ഞാന്‍ ദേശാഭിമാനിയല്ല !
ഞാന്‍ സ്‌നേഹിക്കുന്നില്ല
ചരിത്രക്ലാസ്സുകളില്‍ കണ്ടു മറന്ന
ആ ഭൂപടങ്ങളെ
ഞാന്‍ സ്‌നേഹിക്കുന്നില്ല
മനുഷ്യനെ വേര്‍തിരിച്ച ആ മതില്‌കെട്ടുകളെ
ഞാന്‍ സ്‌നേഹിക്കുന്നില്ല
ഹിന്ടുവിനെയും മുസല്മാനെയും
നീ ആരാധിക്കുന്ന മരിച്ച ദൈവങ്ങളെയും
ഏയ് മനുഷ്യാ..

ചരിത്രം നിന്നോട് നീതികേട് കാട്ടി

നിന്നെ വെളുത്തവനും കരുത്തവനുമാക്കി
നിന്നെ സ്വദേശിയും വിടെഷിയുമാക്കി
നിന്നെ പാശ്ചാത്യനും പൌരസ്ത്യനുമാക്കി
ശാസ്ത്രം നിന്നെ കീറിമുറിച്ചു
നിന്റെ ലൈങ്ങികതയില്‍ ഉത്തമനും അധര്മാനും കണ്ടെത്തി
നിന്റെ കണ്ണില്‍ കുളിര്‍മയുടെ കണ്ണുകെട്ടി
നിനക്ക് തരാന്‍ എനിക്കീ ഹൃദയം മാത്രം
ഈ കവിത മാത്രം..

രോദനം

2011-12-07T13:16:00.000-08:00

എനിക്കറിയില്ല കുഞ്ഞേ..
എന്തിനീ മതിലുകള്‍ സൃഷ്ട്ടിച്ചു എന്ന്..
എനിക്കറിയില്ല..
എന്തുകൊണ്ട് മനുഷ്യന്‍ വസ്ത്രങ്ങള്‍ നെയ്തുകൂട്ടി എന്ന്

എനിക്കറിയില്ല..

എന്തുകൊണ്ട് പൊന്നിന്റെ തിളക്കവും പണത്തിന്റെ തൂക്കവും കണ്ട്

നിന്‍ കണ്ണുകള്‍ മഞ്ഞളിക്കുന്നു എന്ന്..

ഈ ആകാശത്ത് നീ മതിലുകള്‍ കാണുന്നുവോ ?
ഇല്ല ഇതിനിപ്പുരം പറക്കുവാന്‍ നിന്നെ അനുവദിക്കില്ല..

ആ നദി കടക്കരുത് ഒരു മത്സ്യവും മനുഷ്യനും

ഇവിടെ ഉരുണ്ടുകൂടരുത് ഒരു മേഘവും ആള്കൂട്ടവും

ഇവിടെ ഇപ്പോള്‍ മരണത്തിന്റെ മണം

കേള്‍കുനത് രോദനങ്ങള്‍ മാത്രം..

നീ സ്നേഹിക്കരുത് ഈ നാടിനെയും നാട്ടാരെയും

നിനക്ക് സഹിക്കാനാവില്ല ഇനി വരും കാലത്തിന്‍ സ്വാര്തത

നീ ഓര്‍ക്കരുത് എന്‍ പേരും കവിതയും..

മറക്കുക ഈ ഭ്രാന്തന്റെ രോദനം..

മതിലുകള്‍ ഇല്ലാത്ത ഭൂമി സ്വപ്നം കണ്ട ഞാന്‍ അറിഞ്ഞില്ല
ഇത് ശ്മാശാനമാകുമെന്നു..

നീ മറക്കുക ഈ കവിതയും എന്‍ ജല്പനങ്ങളും..

എനിക്കറിയുന്നത് ഒന്ന് മാത്രം..എന്റെ ജനാലകള്‍ അടയുന്നില്ലെന്നത്..

ഫ്രോയിഡ്

2011-11-16T13:19:00.000-08:00

അവനെ ഘെരാവോ ചെയ്യുക.
അവന്റെ പുസ്തകങ്ങള്‍ കത്തിച്ചു കളയുക..
ഇവന്‍ "ഫ്രോയിഡ്"
സദാചാര സങ്കല്‍പ്പങ്ങളെ തകത്ത്തവന്‍.
ലഹരിക്ക്‌ ജാതകം കുറിച്ചവന്‍ !
മനസ്സിന്റെ രഹസ്യം തിരഞ്ഞവാന്‍
ലഹരിയും ലൈങ്ങികതയും പ്രസങ്ങിച്ചവന്‍.
"സാമൂഹ്യ വിരുദ്ധന്‍" "സംസ്കാര ശൂന്യന്‍ "
സദാചാര കോടതി ഇവനെ തൂക്കിലേറ്റാന്‍ വിധിച്ചിരിക്കുന്നു !

ബിനായക്

2011-11-16T13:11:00.000-08:00

വിയര്‍പ്പു മണക്കാത്ത,
മണ്ണ് പറ്റാത്ത
വിദേശ പെര്‍ഫ്യൂമിന്റെ മുന്തിയ സുഗന്ദം
സിരകളെ മയക്കും ഖദറിനുള്ളില്‍
"പ്രോജക്ടദ്"ഗാന്ധിമാര്‍ ആക്രോശിച്ചു.
"അവന്‍ തീവ്രവാദി ! നാടിനെ ഒറ്റിയോന്‍..
മുറിവുകള്‍ ഉണക്കിയോന്‍..
ജ്വരങ്ങള്‍ മാറ്റിയോന്‍..
അവനെ തൂക്കിലേറ്റുക..
വരണ്ട ഭൂമിയില്‍ വിയര്ത്തുകൊണ്ട്
അതിരുകള്‍ മാറ്റിവരച്ചോന്‍..
വരൂ..നമുക്കീ തീവ്രവാദികള്‍ക്കെതിരെ
സത്യാഗ്രഹമിരിക്കാം..
എ.സിയും എല്‍.സി.ഡി ടിവിയും ചാനല്‍ ക്യാമറകളും
ആയിരത്തോളം കാണികളും..ഞങ്ങള്‍ക്കായി കാത്തിരിക്കുന്നു..

നിന്റെ ദൈവത്തോട്,,

2011-11-16T13:01:00.000-08:00

മനുഷ്യനെ മണ്ണില്‍ തീര്‍ത്തവന്‍ 'ദൈവം' !
ഉയിര്‍ത്തെഴുന്നേറ്റവന്‍ 'ദൈവം'
മഴപെയ്താല്‍ അതും 'ദൈവം'
കാറ്റ് വീശിയാല്‍ അതും 'ദൈവം'
ഇതു നായിന്റെ മോനാ ഈ 'ദൈവം' ??!
ഇനിയും പടച്ച്ചുവിടുക,
കൂടപ്പിറപ്പിന്റെ ചോരയിട്ടുമ്പോഴും അട്ടഹസിക്കാന്‍
ഈ കള്ളകഥകള്‍,ജല്പനങ്ങള്‍..

അവള്‍..

2011-11-15T11:59:00.000-08:00

         ഒരു കട്ടന്‍ കാപ്പിയിലൂടെ അവളുടെ അന്നത്തെ ദിവസം ആരംഭിച്ചു..പതിവായ്‌ മാറിയ ശകാര വര്‍ഷങ്ങള്‍ അവളുടെ പ്രഭാതത്തിന്റെ പൊലിമ നശിപ്പിച്ചു. വിളറി വെളുത്ത മുഖത്ത് ചായങ്ങള്‍ തേച്ചു സ്വന്തം മുഖം മറച്ചുകൊണ്ട് ഇല്ലാത്ത പുഞ്ചിരിയുടെ വര്‍ണങ്ങള്‍ ചുണ്ടില്‍ തേച്ചു പിടിപ്പിച് അവള്‍ പുറത്തേക്കിറങ്ങി. ഒടുവിലായ് പരിചയപ്പെട്ട പുരുഷ സുഹൃത്തിന്റെ ബൈകിന്റെ പിന്‍ സീറ്റില്‍ ചിരിച്ചുകൊണ്ടിരുന്നപ്പോള്‍ പിന്നില്‍ നിന്ന് തുടര്‍ന്നുകൊണ്ടിരുന്ന തെറി വിളി അവളുടെ കുഷലാന്വേഷങ്ങല്‍ക്കിടെ എവിടെയോ ഇല്ലാതായി.
         ബൈക്ക് മുന്നോട്ടു പോവും തോറും വഴിയരികില്‍ കാത്തു നില്‍ക്കുന്ന കാമ കണ്ണുകളോട് അവളുടെ മുടിയിഴകള്‍ കുശലം പറഞ്ഞു. ആ കണ്ണുകളിലേക്കു അവള്‍ നിര്‍വികാരമായ് നോക്കി..രാത്രിയില്‍ പേടി സ്വപ്നമാവാരുള്ള ആ മുഖങ്ങളോട് പകല്‍ വെളിച്ചത്തില്‍ അവള്‍ക്കു ഭയം തോന്നിയില്ല.
          വഴിയരികിലെ കടയില്‍ നിര്‍ത്തി "അണ്ണാ ഒരു ധം കൊട് "എന്ന് പറഞ്ഞുകൊണ്ട് ആ ദിവസത്തിലെ ആദ്യത്തെ പുക ഉള്ളിലെക്കെടുക്കുമ്പോഴും അവളുടെ ശ്വാസം സാധാരണ താലത്തിലായിരുന്നു.കോളേജ്,കഫെ, കടല്‍ തീരത്തെ കാപ്പി കട,ചുണ്ടുകള്‍ മാറി മാറി വരുന്ന പുകച്ചുരുളുകള്‍..മണ്ടഹാസവുമായ് വരുന്ന പ്രേമാഭ്യര്തനകള്‍,മിസ്സ്‌ കാലുകള്‍..ഒരു ദിവസത്തിന്റെ അവസാന നിമിഷം വരെ അവളെ ഇതൊക്കെ പിന്തുടര്‍ന്നു.. രാത്രിയില്‍ വലിച്ചു തീര്‍ക്കേണ്ട കഞ്ചാവിനുള്ള കാശിന്റെ കണക്കുകളും ആലോചിച്ചു അവളുടെ ഒരു പകല്‍ അവസാനിക്കുകയായ്.
ഇന്റര്‍നെറ്റില്‍ വന്ന സൌഹൃധാഭ്യര്തനകളുടെ മെസേജ് നിരസിച്ചുകൊണ്ട് രിക്ഷാക്കാരനോട് വിലപെശുന്നതില്‍ അവള്‍ മുഴുകി.രാത്രിയുടെ നിശബ്ദതയെ അവള്‍ക്ക് ഭയം തോന്നിയില്ല..
   റിക്ഷയില്‍ നിന്നിറങ്ങി വീടിന്റെ മുകള്‍ നിലയിലേക്കുള്ള സ്റ്റെപ്പുകള്‍ കയറുമ്പോള്‍ താഴെ നിന്ന് ശബ്ദം "എന്തിനു വന്നെടീ ? വല്ലോടത്തും കിടക്കായിരുന്നില്ലേ ? "അവളുടെ കണ്ണുകള്‍ നിറഞ്ഞില്ല..അവള്‍ക്കു കണ്ണുനീര്‍ ഇല്ലാതായിരിക്കുന്നുവോ ?
രാത്രിയിലേക്ക്‌ വാങ്ങിവച്ച്ച കഞ്ചാവിനോപ്പം അവളുടെ ഞരമ്പുകള്‍ മുറിഞ്ഞപ്പോള്‍ മാത്രം ഒരിറ്റു കണ്ണുനീര്‍ വീണു..അവള്‍ പുകച്ചു തള്ളിയ പുകച്ചുരുളുകളെക്കാള്‍ ചൂടുള്ള ഒരേയൊരു തുള്ളി കണ്ണുനീര്‍.. രാത്രിയുടെ നിശബ്ദതയില്‍ അവളുടെ നിലവിളിയും ആ പുകകള്‍ക്കിടെ എവിടെയോ അലിഞ്ഞു ചേര്‍ന്നു..

വിശ്വാസം അതല്ലേ എല്ലാം..!

2011-11-03T14:36:00.000-07:00

ഇവന്‍ ആഘോരി !

മനുഷ്യന്റെ ചോരയ്ക്ക് ഭക്തിയുടെ കാവി പുതപ്പ്പിച്ച കാട്ടാളന്‍..
ഇത് കൊന്ത !
മാര്‍ പാപ്പ മുത്തിയത് ..
ഇത് ഖുറാന്‍ !

പടച്ചോന്റെ സൃഷ്ട്ടി !

കാവി എന്റെത് ! പച്ച നിന്റെത് ! വെള്ള അവന്റെത്‌ !

കൃഷ്ണന്‍ എനിക്ക്. അല്ലാഹു നിനക്ക് . യേശു അവനു.

കോമേഷ്യല്‍ ബ്രേക്കിനിടെ മുഴങ്ങുന്ന ശബ്ദം..

"വിശ്വാസം അതല്ലേ എല്ലാം..! "

ചുംബനം

2011-11-01T11:59:00.000-07:00

പതിവ് പോലെ അവളുടെ സൌഹൃദ സംഭാഷണങ്ങള്‍ കേള്‍ക്കാനില്ല..മെസ്സേജുകളുടെ പ്രവാഹം നിലച്ചിട്ട് രണ്ടു ദിവസം..ഒടുവില്‍ മറുപടി കാണാതെ മടുത്തപ്പോള്‍ ഒരു മിസ്സ്‌ കാള്‍ കൊടുത്തു..

കുറച്ചു കഴിഞ്ഞപ്പോള്‍ സ്ഥിരം കുസ്രിതി ചിരിയുമായ് ഹലോ എന്നൊരു ശബ്ദം
ഒരു കോളേജ് വിദ്യാര്‍ഥിനിയുടെ 'പ്രാരാബ്ധ'കഥകളും 'ജീവിത ഭാരവും'അവള്‍ ഒറ്റ ശ്വാസത്തില്‍ പറഞ്ഞു തീരത്ത്.."ബാലന്‍സ് തീരുന്നു വെക്കട്ടെ.." എന്ന് പറഞ്ഞു ഫോണ്‍ കട്ട് ചെയ്യുന്നത് വരെ എന്റെ ശബ്ദമോ വിശേഷങ്ങളോ കേള്‍ക്കാന്‍ അവള്‍ ആഗ്രഹിച്ചില്ല എന്ന് തോന്നി..
പിന്നീട് തലേന്ന് എപ്പോഴോ അവളുടെ ഒരു മെസ്സേജ് കണ്ടു..
"ഡാ.."
പിന്നെ സ്ഥിരം ചര്‍ച്ചകള്‍ കുസൃതികള്‍..നാട്ടിലെ കാമ്പസിലെ രാഷ്ട്രീയം മാറി വരുന്ന പത്രവാര്‍ത്തകള്‍ മുതല്‍ ഗോവിന്ദ ചാമിമാരും പ്രണയവും സ്വപ്നങ്ങളും ഞങ്ങളുടെ ചര്‍ച്ചാ വിഷയങ്ങലായ്..

അതിനിടയില്‍ അവള്‍ പറഞ്ഞു "നീ ആളൊരു പഞ്ചാര തന്നെ..! "

പൊതുവേ പരുക്കനും അന്തര്മുഖനുമായ എന്നോടിങ്ങനൊരു ചോദ്യം ?

എന്നാലും വെറുതെ മറുപടി കൊടുത്തു..

"ദാറ്റ് ഈസ്‌ സൊ സ്വീറ്റ്..ഇതിനു ഒരു ഉമ്മ തരണോ നിനക്ക് ?? "

"ചുംബനം മലയാളവും ഇന്ഗ്ലീഷുംപോലുള്ളൊരു ഭാഷയാണ്‌ ഉറുമ്പുകള്‍ കിസ്സോഫോനെസാനു ച്ചുംബനത്തിലൂടെയാണ് അവര്‍ സംവേദനം നടത്തുന്നത്..ഞാന്‍ ഉറുംബ് അല്ല..

"ഹഹ ചുംബനം ഏറ്റവും നല്ല സംവേദന മാര്‍ഗമാണ്..മനുഷ്യന്മാരുടെ കാര്യത്തിലും.."

"എന്നോട് ഏറ്റവും മാന്യതയില്ലാതെ സംസാരിക്കുന്ന സുഹൃത്ത് നീയാണ് !നിനക്ക് ഞാന്‍ സംസാരിക്കാനുള്ള ഒരു ഉപകരണം മാത്രമാണ്.."

" ഇത്രയും നല്ല സൌഹൃദത്തിനു നന്ദി..ഇനി നിന്നെ ശല്യം ചെയ്യാന്‍ ഞാനില്ല..ബൈ.."

ഗ്ലാസ്സിളിരുന്ന അവസാന തുള്ളി കട്ടന്‍ കാപിയും കുടിച്ചു നിര്‍ത്തി മെല്ലെ ഉറക്കത്തിലേക്ക് നീങ്ങി..

പുറത്തു മഴ പെയ്യുന്നുണ്ട്..പുതപ്പിനടിയില്‍ ശരീരത്തെ ഒളിപ്പിക്കാന്‍ ശ്രമിക്കുന്നതിനിടെ മൊബൈലില്‍ വീണ്ടും ഒരു മെസ്സേജ് ടോണ്‍ !

"നിനക്ക് ഞാന്‍ പോയാല്‍ ഒരുപാട് സുഹൃത്തുകള്‍ ഉണ്ടാവും..സൊ നോ പ്രോബ്ലം !
പക്ഷെ എനിക്കങ്ങനെയല്ല ദുഖിക്കും ! നീ അങ്ങനെ സുഖിക്കേണ്ട.."
പുതപ്പിന് പുറത്തേക്ക കൈ നീട്ടാന്‍ മടിയോടെ വേഗം ഒരു സ്മൈലി ടൈപ്പ് ചെയ്തു ":)"

ഒരിക്കല്‍ കൂടി കാലുകള്‍ പുതപ്പിനുള്ളിലുന്ടെന്നു ഉറപ്പിച്ചുകൊന്ദ് കണ്ണുകളടച്ചു..

എന്റെ 'പൊന്നു' ഭാസുരേന്ദ്ര ബാബുവിന്

2011-03-20T05:23:00.000-07:00

ഉദരനിമിത്തം ബഹുകൃതവേഷം എന്ന് നമ്മള്‍ പറയാറുണ്ട്.. ചിലരുടെ കാര്യത്തില്‍ അത് വളരെ ശരിയാണ്.ബുദ്ധിജീവിയായും 'താത്വിക ആചാര്യനായും' സ്വയം നടിച്ചു വയറു നിറയ്ക്കുന്ന ചില വിദ്വാന്മാരുണ്ട് നമ്മുടെ സമൂഹത്തില്‍.കൃത്യമായ് പറഞ്ഞാല്‍ നാടിനു ഒരു ഗുണത്തിനും എത്തില്ല നാക്കിന്റെ നീളം കൊണ്ട് "ഉളുപ്പില്ലായ്മ" കൊണ്ടും ~~കഞ്ഞി കുടിക്കാന്‍~~ നാല് നേരം വെട്ടിവിഴുങ്ങാന്‍ എന്ത് മണ്ടത്തരവും സാധിച്ചെടുക്കാന്‍ ശ്രമിക്കുന്നവര്‍. എന്നാല്‍ സുകുമാര്‍ അഴികോടും ഭാസുരേന്ദ്ര ബാബുവും ഇങ്ങനെയൊന്നുമല്ല കേട്ടോ !അഴികൊടിനെ പോലെ നിലപാടുള്ളവരാരാ കേരളത്തിലുള്ളത് ? ആരൊക്കെയോ പറയുന്നു അഴികോട് വലതനാണ് പണ്ട് 'വിമോചന' സമരം നടത്തിയവരില്‍ വലിയ പങ്കു വഹിച്ച ആളാണ്‌ എന്നൊക്കെ..ദയവു ചെയ്തു ആരും ഈ നുണകള്‍ വിശ്വസികരുത്.

അഴീകോട് വിമോചന സമരം എന്ന് കേട്ടിട്ട് കൂടി ഇല്ല..പിന്നെ പണ്ട് മുതലേ അഴീകോട് ഇടതുപക്ഷ ചിന്താഗതിക്കാരന്‍ ആയിരുന്നത്രെ.പണ്ട്..വളരെ പണ്ട്..വി.എസ് അച്യുതാനന്ദനെ തെരഞ്ഞെടുപ്പില്‍ മത്സരിപ്പിക്കണമെന്നു പറഞ്ഞു ജനം പണ്ട് തെരുവിലിറങ്ങിയപ്പോഴും കേള്‍ക്കാത്ത പാര്‍ട്ടി ടിയാന്‍ പ്രകാശ് കാരാട്ടിന് ഒരു കത്ത് നല്കിയത്രേ അതുകൊണ്ടാണത്രെ വി.എസ്സിനെ മത്സരിപ്പിച്ചത്..!ഓ പുള്ളിക്കാരന് സി.പി.എമ്മിന്റെ "സുപ്രീം അഡ്വൈസര്‍" സ്ഥാനമാനെന്നു നമ്മള്‍ക്ക് അറിയില്ലായ്രുന്നു..വെറുതെയല്ല ബേബി സഖാവ്‌ മൂപ്പരെകൊണ്ട് നടക്കുന്നത്..

പോട്ടെ..സുകുമാരനെ വിടാം..ഒന്നുല്ലേല്‍ ആയിരം പൂര്‍ണ ചന്ദ്രന്മാര്‍ കണ്ടു കണ്ണ് മഞ്ഞളിച്ചു പോയ മഹാത്വ്യക്തിയല്ലേ..

ഇനിയാണ് നമ്മുടെ കഥാനായകന്‍ വരുന്നത്..പഫഫാ!! (സത്യായിട്ടും തെറ്റിപോയി..!) ഭാസുരേന്ദ്ര ബാബു !

എന്തായാലും കേരളത്തില്‍ ഈ പേരുള്ള ഒരു മനുഷ്യനെ കാണൂ..ഇനി ആരും അങ്ങനൊരു പേര് സ്വീകരിക്കുകയുമില്ല..

"മലയാളിയുടെ മാധ്യമലോകം" എന്നൊരു പുസ്തകം പുള്ളിക്കാരന്‍ എഴുതിയിട്ടുണ്ട് എന്ന് കേട്ടോ..എന്തായാലും അത് വായിക്കാനുള്ള ധൈര്യം ഈയുള്ളവനില്ല ചാനല്‍ ചര്‍ച്ചകളില്‍ മഹത്തായ ആ വചനങ്ങള്‍ കേട്ട് കേട്ട് തളര്‍ന്നുപോയി..ഇത്രയ്ക്കു വിവരമുള്ള മനുഷ്യന്‍ കേരളത്തിലെന്നല്ല ഈ അണ്ടകടാഹത്ത്തില്‍ തന്നെയില്ല..

കേരളത്തില്‍ വി.എസ് അച്യുതാനന്ദനെ മത്സരിപ്പിക്കേണം എന്ന് പറഞ്ഞുകൊണ്ട് ജനം വീണ്ടും കൊടി പിടിച്ചപ്പോഴാണ് അഴീകോട് മാഷേ പോലെ ടിയാനും ബോധം വന്നത് ! എന്തായാലും അഴീകൊടിനെ പോലെ കത്തെഴുതി പി.ബി യെ ഭയപ്പെടുതാനോന്നും ശ്രീമാന്‍ നിന്നില്ല..

(അല്ലെങ്കിലും വേണ്ടാന്നു വച്ചിട്ടാ...)

ജനങ്ങള്‍ കുറേ മുദ്രാവാക്യങ്ങള്‍ വിളിച്ചപ്പോള്‍ അതിനുള്ള നിര്‍വച്ചനവുമായാണ് ഭാസുരന്‍ പ്രത്യക്ഷപെട്ടത്‌..
"കണ്ണേ കരളേ ....... റോസാ പൂവേ മുല്ല പൂവേ ..."എന്നീ മുദ്രവക്ക്യങ്ങള്‍ കമ്മൂണിസ്റ്റ് സംസ്കാരത്തിന് ചേര്‍ന്നതാണോ? നമ്മള് കൊയ്യും വയലെല്ലാം നമ്മുടെതാകും പൈങ്കിളിയെ പോലെയുള്ള ഭാവുകത്വം നിറഞ്ഞ മുദ്രാവാക്യങ്ങള്‍ ഉള്ള കമ്മ്യൂണിസ്റ്റ് പാര്‍ട്ടിയില്‍ ഇത്തരം മുദ്രവക്ക്യങ്ങള്‍ വിളിക്കുന്നത് കഷ്ടംതന്നെ"

എന്നാണു ഈ കമ്മ്യൂണിസ്റ്റ്‌ ആചാര്യന്‍ ഭാസുരേന്ദ്ര ബാബു പറഞ്ഞത്..

പ്രിയ ഭാസുരേന്ദ്ര ബാബൂ..എന്തോ പാവം ഞങ്ങള്‍ ജനങ്ങള്‍ എല്ലാവരും താങ്കളെപോലെ ബുദ്ധിജീവിയല്ല..നമ്മള്‍ സ്നേഹം വരമ്പോള്‍ പൊന്നെ കരളേ എന്നൊക്കെയാണ് വിളിക്കുക..അതിനു താങ്കളുടെ ബുദ്ധിജീവി ഭാഷയില്‍ എന്ത് പറയേണമെന്നു ഞങ്ങള്‍ക്കറിയില്ല..അറിയുകയും വേണ്ട..

"പൊന്നരിവാളംബിളിയില്‍ കണ്ണെറിയുന്നോളെ"

എന്ന കെ.പി.എ.സി വിപ്ലവ ഗാനത്തില്‍ 'പൊന്ന്' എന്നുപയോഗിച്ചത് കമ്മ്യൂണിസ്റ്റ്‌ രീതി അല്ലെന്നും അത് മുതലാളിത്ത ചിന്തയാണെന്നും താങ്കളെ പോലെ ഏതോ ഒരു മഹാന്‍ ഏതോ ഒരു എന്സൈക്ലോപീട്യായില്‍ എഴുതിയിട്ടുണ്ടെന്ന് കേട്ടു..ഇതൊക്കെ സഹിക്കാന്‍ പാവം ഞങ്ങള്‍ കഴുതകള്‍..ഒന്നുമില്ലെങ്കില്‍ സി.പി.എം.എല്‍ എന്ന ഒരു പാര്‍ട്ടിയില്‍ കുറേ പ്രസംഗിച്ചു നടന്നതല്ലേ എന്ന കാര്യത്തിലെങ്കിലും സാമൂഹ്യ ബന്ധം ഉണ്ടല്ലോ എന്നോര്‍ത്താണ് 'ജനം' താങ്കള്‍ക്ക് ദേഹോപദ്രവം ഉണ്ടാക്കാത്തത്.

ദയവു ചെയ്തു ഈ ടി.വി ചര്‍ച്ചകളില്‍ നിന്നു വിട്ടു നില്‍ക്കുക സ്നേഹംകൊണ്ട് പറയുന്നതാണ് 'പൊന്നു'ഭാസുരേന്ദ്ര ബാബൂ..
താങ്കളുടെ ആ പുസ്തകത്തിലെ പത്രം തിന്നുന്ന കഴുതകളായ് ഞങ്ങള്‍ കഴിഞൊളാം കഴുതിയെ വരെ വെല്ലുന്ന താങ്കളുടെ ബുദ്ധി വൈഭവം സഹിച്ച് ടി.വി ക്ക് മുന്നില്‍ മരിക്കാന്‍ ആഗ്രഹമില്ലാത്ത ഒരു പാവം ടി.വി പ്രേക്ഷകന്റെ ഈ സങ്കടഹര്‍ജി മാനിക്കുമെന്ന് പ്രതീക്ഷിക്കുന്നു....

എന്ന് സ്നേഹത്തോടെ,
ജീവന്‍
(ഒപ്പ് )

പുക

2011-03-16T11:53:00.000-07:00

തിരമാലകളുടെ എണ്ണം തെറ്റാതെ കണ്ണും നട്ട്

അവന്‍ ആ പുകച്ചുരുലുകളിലേക്ക് ഉള്‍വലിഞ്ഞു.

അവന്റെ സ്വകാര്യ സന്തോഷങ്ങളുടെ പട്ടികയില്‍

എരിയുന്ന സിഗരറ്റും അലയുന്ന കടലും ഉണ്ടായിരുന്നു

പുകമറകള്‍ അവന്റെ മുഖം മറച്ചപ്പോള്‍

അവന്റെ ദീര്‍ഗനിശ്വാസങ്ങള്‍ക്കും

പേനയുടെ മഷിപുരണ്ട വിരലതുംബുകള്‍ക്കും

ലഹരിയുടെ സുഖം..

ഒട്ടിയവയറില്‍ പുകയുമായ് സ്വയം ഉള്‍വലിഞ്ഞു

കടലിനോടും ആ പുകച്ചുരുളുകളോടും

പുലഭ്യം പറഞ്ഞും,ഉറക്കെ ചിരിച്ചും അവന്‍ തന്റെ കണ്ണുകളടച്ചു

ശാന്തമായ വിശ്രമത്തിലെക്..

ലഹരി ഇന്ധനമാക്കി പുക മഷിയാക്കി എഴുതിയ

കവിതകളുടെ നിറമാര്‍ന്ന ലോകത്തേക്..

മതേതരത്വം..!!

2011-01-21T07:30:00.000-08:00

ഇന്നലെ പച്ചകൊടി കെട്ടിയ വേദിയില്‍
നീണ്ട താടിയും മുക്കാല്‍ മുണ്ടുമുടുത്ത തങ്ങള്‍ പ്രസംഗിച്ചു "മതേതരത്വം"
വഴിയരികിലെ അമ്പലത്തിന്‍ മുന്നില്‍
മുറുക്കി ചുവപ്പിച്ച ചുണ്ടുള്ള കാവിക്കാരനും പ്രസംഗിച്ചു "മതേതരത്വം"
തെരഞ്ഞെടുപ്പിന്റെ തിരക്കില്‍ ബ്ലീച്ച് ചെയ്ത മുഖത്തില്‍
സുന്ദരമായ ഒരു പുഞ്ചിരിയും കഴുകന്‍ കണ്ണുകളുമായ്
ആ കോണ്‍ഗ്രെസ്സുകാരനും പ്രസംഗിച്ചു "മതേതരത്വം"
മടുത്തു മതെതരത്വമേ നിന്നെ സഹിച്ച്..!
ഈ നാട് വീതം വെക്കുക പച്ചയ്ക്കും കാവിക്കും എല്ലാം മുറിച്ചു കൊടുക്കുക
അല്ല..വേണ്ട..അവര്‍ തമ്മിലടിക്കട്ടെ..ഒഴുകട്ടെ തെരുവുകളില്‍ നിന്റെ സഹോദരന്റെ രക്തം
അപ്പോഴും നിന്റെ പുരോഹിതര്‍ പ്രസംഗിക്കും "മതേതരത്വം"
അവന്റെ കിരാതഹസ്തങ്ങള്‍ നിന്റെ മാറ് പിളരുമ്പോള്‍
നിനക്കും അവനെ വിളിക്കാം..മതേതരവാദി..!
നിന്റെ ദൈവത്തിന് നിന്റെ സഹോദരന്റെ ചോര ബലി നല്‍കുക
അവന്‍ സന്തോഷിക്കട്ടെ..നിന്നെ കടാക്ഷിക്കട്ടെ..
നിന്റെ ആരാധനാലയങ്ങല്‍ക്കായ്‌ തച്ചുടക്കുക അന്ന്യന്റെ വിശ്വാസങ്ങളെ..
സന്തോഷിക്കട്ടെ നിന്റെ ക്രൂരനായ ദൈവം.
നിന്റെ അയല്‍ക്കാരന്റെ കഴുത് വെട്ടിയ കൈകള്‍ ഉയര്‍ത്തി
നീയും ഉറക്കെ പ്രസംഗിക്കുക മതേതരത്വം...!!

ഇല്ല കുമാര്‍ജി മരിക്കുന്നില്ല..ജീവിക്കുന്നു ഞങ്ങളിലൂടെ..!

2010-12-24T09:26:00.000-08:00

      കുമാരേട്ടന്‍ ആരായിരുന്നു എന്ന് നിങ്ങള്‍ക്കറിയില്ലേ..? ടി.വി. സ്ക്രീനില്‍ നിര്‍ത്താതെ തുടരുന്ന പ്രശംസകള്‍ കേട്ടാണ് ഞാന്‍ മനസ്സിലാക്കിയത്, പണ്ട് ഗാന്ധിജിയോടൊപ്പം സ്വാതന്ത്ര്യസമരത്തില്‍ പങ്കെടുത്ത പാരമ്പര്യമാണ് കുമാരേട്ടന്.. ആ വിളറിയ ചിരിയും കുതിരയുടെ വേഗതയും കണ്ടപ്പോഴേ സംശയം തോന്നിയതാ..ഇപ്പൊ ഏതാണ്ട് ഉറപ്പായി! എല്ലാരും ഉറങ്ങുന്ന തറവാട്ടിന്റെ കോലായില്‍ ആര്‍ക്കും വേണ്ടാത്ത കോളാമ്പിയുമായ്‌ ചാരുകസേരയില്‍ കൊതുകിനെയും കാത്തിരുന്ന മനുഷ്യനാ.. ഇപ്പൊ ഇതാ മരണവാര്‍ത്തയും കൊണ്ട് നാടായ നാടൊക്കെ ചാനലുകളും പത്രക്കാരും ആഘോഷിക്കുകയാ..
    പണ്ട് ഗാന്ധിജി സൌത്ത് ആഫ്രികയില്‍ ഉണ്ടായപ്പോള്‍ ഗാന്ധിജിയുമായ് ഉണ്ടായ പരിചയമാണത്രെ, അതിനു ശേഷം ആണത്രേ കുമാരേട്ടന്‍ പാര്ട്ടികാരനായത്..ജന നേതാവായ അദ്ദേഹം ആണത്രേ ഇന്ധ്യന്‍ പ്രധാനമന്ത്രിമാരെ വരെ തീരുമാനിച്ചിരുന്നത്..ആ കാര്നോരെ കണ്ടാല്‍ ആര്‍ക്കെങ്കിലും തോന്നുവോ ഇത്ര വല്ല്യ സ്രാവായിരുന്നു എന്ന്..!
   ഇപ്പൊ കുമാരേട്ടന്‍ മരിച്ചപ്പോഴിതാ നാട്ടിലെ പാര്ട്ടിക്കാരോക്കെ കരയുന്നു..ഇതുവരെ കാണാത്ത കുറേ രൂപങ്ങള്‍ പ്രശമ്സകലുമായ് കയറിയിറങ്ങുന്നു,പിന്നെ ക്യാമറ ഫ്ലാഷുകള്‍ മിന്നി മറയുന്നു,പ്രശംസകള്‍,പൂച്ചെണ്ടുകള്‍,രീത്തുകള്‍.അങ്ങനെ കുമാരേട്ടനും നല്ല മനുഷ്യനായ്..! ഇപ്പൊ കുമാരേട്ടന്‍ പലരുടെയും ഗുരുനാഥനായ്‌ അറിയപ്പെടാന്‍ തുടങ്ങി.. പത്രങ്ങളിലും ടി,വി ചാനലിലുമൊക്കെ പുതിയ വിഷയങ്ങള്‍ തുടങ്ങി "ഞാനും കുമാരേട്ടനും" "മഹാത്മാ കുമാര്‍ജി; ഗാന്ധിയുടെ പിന്ഗാമി".നാട്ടിലെ ബുദ്ധിജീവികള്‍ നിന്നു കസറി.. അങ്ങനെ നമ്മടെ കുമാരേട്ടന്‍ കുമാര്‍ജിയായ്..! ഇപ്പൊ ടി.വി യില്‍ കുമാര്‍ജിയുടെ ശവസംസ്കാരം നടക്കുകയാണ്..കത്തിക്കയറിയ ന്യൂസ്‌ റിപ്പോര്‍ട്ടര്‍ ക്രികെറ്റ് കമ്മന്റാരി പോലെ വിവരണം തുടങ്ങി "ഇതാ ഇന്ധ്യ മുഴുവന്‍ സഞ്ചരിച്ച ആ പവിത്ര കാല്‍പാദം എരിതിയെ ചുംബിക്കുന്നു...കുമാര്‍ജിയുടെ എന്നും മന്ദഹാസം പൊഴിച്ച ആ ചുണ്ടുകളെ വെന്തടിയുന്നു..ഇനി കുമാര്‍ജി ഓര്‍മകളില്‍ ധീരസ്മരനയായ് ജനമനസ്സുകളില്‍ അവശേഷിക്കും.." അപ്പോള്‍ തടിച്ചു കൂടിയ ജനക്കൂട്ടത്തിനിടയില്‍ ചെറിയ ചില ശബ്ദങ്ങള്‍ കേട്ട് "ഇല്ല കുമാര്‍ജി മരിക്കുന്നില്ല..ജീവിക്കുന്നു ഞങ്ങളിലൂടെ"

വാല്‍കഷണം:കോണ്‍ഗ്രെസിന്റെ ചീര്‍ത്ത കയ്ക്കും ബോയ്ഫോര്സ് പുണ്യാളനും സ്തുതി..!!

അതാരാ ഈ സായ് നാഥ്..?

2010-11-25T07:36:00.000-08:00

പുതുതായ് വന്ന ജര്‍ണലിസം അദ്ധ്യാപകന്‍ ആണ് ..വന്ന മുതലേ നല്ല തട്ട് പൊളിപ്പന്‍ ഡയലോഗ് ഒക്കെ തുടങ്ങിയതാ,ആളൊരു പുലിയാണെന്ന് തോന്നുന്നു..! എന്തോ വിശ്വാസികള്‍ പറയുന്നപോലെ 'തലവിധി' കൊണ്ടാണോ എന്നറിയില്ല.. ഞങ്ങളുടെ നിലവാരം അളക്കാന്‍ വേണ്ടി പുള്ളിക്കാരന്‍ ഒരു സൂത്രം കണ്ടു പടിച്ചു.എല്ലാവരും ഒരാളെ ഇന്റെര്‍വ്യു ചെയ്യുന്നാതായ് സങ്കല്‍പ്പിച്ചു ചോദ്യങ്ങള്‍ തയ്യാറാക്കുക..എല്ലാ വിദ്ധ്യാര്‍ത്തികളും പതിവ് വിഷയങ്ങള്‍ തന്നെ കണ്ടെത്തി..'മോഹന്‍ലാല്‍' 'മമ്മൂട്ടി' മുതല്‍ 'രഞ്ജിനി ഹരിദാസ്' വരെ ഒരു മാറ്റമാവട്ടെ എന്നുള്ളതുകൊണ്ടോ കടുത്ത ആദരവ് കൊണ്ടോ എന്നറിയില്ല ഞാന്‍ കണ്ടെത്തിയ 'ഇര' പി.സായ് നാഥ് ആയിരുന്നു..എല്ലാവരുടെയും പുസ്തകങ്ങളിലൂടെ കണ്ണോടിച്ച ശേഷം എന്റെ നേര്‍ക്കുവന്ന പുള്ളിക്കാരന്‍ എന്റെ ചോദ്യങ്ങള്‍ വായിക്കാന്‍ തുടങ്ങി..നെറ്റി ച്ചുളിച്ചുകൊണ്ട് പറഞ്ഞു.."ഇതെന്താണ് .. ഞാന്‍ പറഞ്ഞത് പ്രശസ്തനായ ഒരു വ്യക്തിയെ ഇന്റെര്‍വ്യു ചെയ്യാനാണ്..ഇതാരാ ഈ സായ് നാഥ്..!! ?"
ഇല്ല ഞമ്മന്‍ ഇല്ല ഈ വഴിയെ ഞമ്മന്‍ ബന്നിട്ടില്ല.. സായ് നാതെ ക്ഷമ അറിവില്ല പൈതങ്ങള്‍ ആണേ..വല്ല രഞ്ജിനി ഹരിധാസിനെയും ഇന്റെര്‍വ്യു ചെയ്യാമായിരുന്നു..അല്ലേലും ഈ ജേര്‍ണലിസ്റ്റ്കള്‍ക്കൊക്കെ ഗോസ്സിപ് നോക്കിയാ പോരെ എന്തിനാപ്പ ഒരു സായ് നാഥ്..!
നോട്ട്: (ഇതിനു ജീവിച്ചിരിക്കുന്നവരോ മരിച്ചവരായോ യാതൊരു സാമ്യവും ഇല്ല..ഉണ്ടെങ്കില്‍ അത് യാധൃശ്ചികം മാത്രമാണ്..)

മതം..മരണം..സ്വര്‍ഗം..!!

2010-11-04T11:07:00.000-07:00

തലശ്ശേരി ഉള്ള പുതിയ സ്കൂളില്‍ ആദ്യമായി ചെന്നപ്പോള്‍..ഒരു സുഹൃത്ത്‌ ചോദിച്ചു
ഇഞ്ഞിന്റെ പേരെന്താ ?

-ജീവന്‍

ഇഞ്ഞി ഹിന്ദുവാ ?

-അല്ല

പിന്നെ മുസ്ലീമാ ?

-അല്ല

പിന്നെന്ത ക്രിസ്ത്യാനി ആണാ?

-അല്ല, ഞാന്‍ ഒരു മതത്തിലും വിശ്വസിക്കുന്നില്ല..മനുഷ്യനാ

അപ്പൊ ഇഞ്ഞി മരിച്ചാ ഏതു മതത്തിന്റെ സ്വര്‍ഗത്തിലാ പോവുവ ?

ദാസേട്ടന്റെ പൊറോട്ടയും നവോദയയിലെ മതില്‍ ചാട്ടവും..!!

2010-07-09T13:39:00.000-07:00

എന്തോ എന്റെ കയ്യിലിരിപ്പ് കൊണ്ടോ എന്ത് വന്നാലും കൂസലില്ലായ്മ കൊണ്ടോ അതോ ഉണ്ടകണ്ണുകള്‍ കൊണ്ടോ എന്താ എന്നറിയില്ല ഞാന്‍ പണ്ടേ അധ്യാപകരുടെ നോട്ടപ്പുള്ളിയായിരുന്നു ആറാം ക്ലാസ്സില്‍ നവോദയയില്‍ ചേരുമ്പോള്‍ സത്യത്തില്‍ നിഷ്കളങ്കനായിരുന്ന ഞാന്‍ തന്നെയായി പലരുടെയും കണ്ണിലെ 'തരികിട'.അങ്ങനെ സ്കൂളില്‍ എന്ത് നടന്നാലും അത് മൊത്തമായും ചില്ലറയായും ഏല്‍ക്കേണ്ട ഗതികേട് എനിക്കായി..അങ്ങനെ മൊത്തത്തില്‍ ഭുലോക തരികിടയായി വാഴ്തപെട്ടപോഴാനു ഞാന്‍ ശരിക്കും ഇങ്ങനുള്ള ഗുലുമാല്‍ പണികളുടെ കുത്തകാവകാശം ഏറ്റെടുക്കുന്നത്.എന്തോ സ്വഭാവ സര്‍ട്ടിഫിക്കറ്റ് ഒട്ടും നല്ലതല്ലാതിരുന്നതിനാല്‍ ഗുരു തുല്യരായി കുറെ പേരെ കിട്ടി പിന്നീട് ഈ എളിയവന്റെ നവോദയ ജീവിതത്തില്‍ തിരിഞ്ഞു നോക്കേണ്ടിവന്നിട്ടില്ല എല്ലാ ഗുലുമാലുകളും പഠിപ്പിച്ച ഗുരുക്കന്മാര്‍ തന്നെ എന്നെ ആശ്രയിക്കേണ്ട ഗതികേടിലായി എന്ന് വേണമെങ്കില്‍ പറയാം. ഇത് കേട്ടാല്‍ ഞാന്‍ കള്ളകടത്ത് ചെയ്യുകയായിരുന്നു എന്നൊന്നും കരുതേണ്ട കേട്ടോ ഒരു സാധാര ഹോസ്റ്റല്‍ വിദ്യാര്‍ഥിയുടെ പ്രത്യേകിച്ചു നവോദയ വിദ്യാര്‍ഥിയുടെ പതിവ് തരികിട പരിപാടികള്‍, മതിലുചാട്ടം ഇങ്ങനെയൊക്കെ ചില കലാപരിപാടികള്‍.എന്തോ അതിനു മാത്രമാണ് ശ്രദ്ധിക്കപെട്ടത് എന്നതിനാല്‍ ഞാന്‍ അവരെക്കാള്‍ അഹങ്കാരിക്കുന്നു! അതുതന്നെയാണ് എന്റെ എന്നല്ല ഒരു വിധപെട്ട എല്ലാ കണ്ണൂര്‍ നവോധയക്കരന്റെയും നല്ല ഓര്‍മകളും

അങ്ങനെയുള്ള മതില്‍ ചാട്ടത്തിന്റെ ആവേശമാണ് ഞങ്ങള്‍ക്ക് ഏറ്റവും നഷ്ടമാകുന്നതും എന്തോ ഭൂമിയുടെ വില നോക്കിയും പിള്ളേര് കഷ്ടപ്പെട്ട് മതില് ചാടിയാല്‍ മതി എന്നും കരുതി ഒരു മലയുടെ മുകളിലാണ് ഞങ്ങളുടെ നവോദയ സ്ഥാപിച്ചത് എന്നതിനാല്‍ വളരെ കഷ്ടപെട്ടാണ് ഒരു പൊറോട്ടയടിക്കാന്‍ ഞങ്ങള്‍ പോയിരുന്നത് ഏകദേശം അര മണികൂര്‍ മലയിരങ്ങിയാലെ നമ്മുടെ സ്വന്തം ദാസേട്ടന്റെ ഹോട്ടല്‍ എത്തു ഒരു പോരോട്ടയുമാടിച്ചു തിരിച്ചു നടന്നു ഹോസ്റെലിന്റെ പിറകിലെത്തി വേലി ചാടുംബോഴേക്കും തിന്ന പൊറോട്ട മുഴുവന്‍ ആവിയാകും എന്നാലും ഞങ്ങള്‍ ആ യാത്രകളിഷ്ടപെട്ടു എന്തോ മതില്‍കെട്ടിനുള്ളില്‍ സ്വാതന്ത്ര്യം ഇല്ലെന്നോ അതോ സാഹസികനാകുന്നുവെന്നോ അല്ലെങ്കില്‍ ടീച്ചര്‍മാര്‍ പറയുന്നപോലെ ആ പ്രായത്തിന്റെ പ്രശ്നം കൊണ്ടോ എന്നറിയില്ല മെസ്സിലെ മജീദ്ക്കാന്റെ 'വെള്ളത്ത്തിലോഴിച്ച്ച്ച' സാമ്പാരിനെക്കാള്‍ രുചികരമാണ് ഞായറാഴ്ച കസ്ടുമെര്സ് കൂടും തോറും വിസ്തീര്‍ണം കുറഞ്ഞുകുറഞ്ഞു വരുന്ന ദാസേട്ടന്റെ പൊറോട്ട.ഈ പ്രിയം കൊണ്ടുതന്നെയാവാം ആ കടയെ ചുറ്റിപറ്റി നമ്മുടെ ഇടയില്‍ ധാരാളം തമാശ കഥകള്‍ വന്നതും എന്തായാലും മതില് ചാട്ടത്തിനുള്ള പാരിതോഷികമായി ഒരിക്കല്‍ സസ്പെന്‍ഷന്‍ തന്നു എന്നെ പ്രിന്‍സിപ്പല്‍ ആദരിച്ചു,പക്ഷെ എന്തുതന്നെയായാലും ദാസേട്ടന്റെ പൊറോട്ട ശരിക്കും മിസ്സ്‌ ആയി!അതിനു ശേഷം അത്രയ്ക്ക് രുചിയിലൊരു പൊറോട്ട കിട്ടിയിടില്ല ഇപ്പോഴും ഓരോ വേലി കാണുമ്പോള്‍ ചാടാനുള്ള ഒരു ത്വര മനസ്സില്‍ വരുന്നുണ്ട്,ദാസേട്ടന്റെ ഓര്‍മയും. ഇന്നത്തെ പാവം പിള്ളേര്‍ക്ക് അവരുടെ ഇരട്ടി നീളത്തില്‍ മതില്‍കെട്ടി ആ ആശ്രയം കു‌ടി മുട്ടിച്ചതിനാല്‍ എന്തായാലും ഞാനിതെഴുതിയ കൊണ്ടാര്‍ക്കും നഷ്ടമില്ല അല്ലെങ്കിലും ആവശ്യമല്ലേ കണ്ടുപിടിത്തങ്ങളുടെ മാതാവ് പുതിയ ദാസെട്ടന്മാരുടെ കട നമ്മുടെ പിന്തുടര്‍ച്ചക്കാര്‍ കണ്ടുപിടിച്ചോളും..ഓര്‍മകള്‍ക്ക് മരണമില്ല..

Red salute..!!

2010-07-01T18:06:00.000-07:00

In the saffron horizon of my mind,

with frustrated past memories

I find fragrance of a new world

The gloomy memories paved

way for the awaiting

era of new hope.

In those nasty windows of my dreams

I painted the colours of rainbow,

In those shrivel dark

frames of musing

I outlined with bright lights.

It gave me the smell of soil

and spirit of fire,

When i walk through this

solitude corridors of life

It followed me as a shadow

It was hot as blood,

which pumped my heart

like echo of liberation.

Some called it anarchism,

Some called it humanism

it buzzed like a wind

with utterance of love
I remembered those martyrs

who preached of this fire,

Life of those rebels

Who showed us the path.

Salute the anthem

of love and life,

salute the red

for those days to come

where others sigh

will become a music...

ഒരു രാത്രി....

2009-06-15T10:57:00.000-07:00

സമയം രാത്രി പന്ത്രണ്ടു മണി കഴിഞ്ഞു .മുറിയിലെ ക്ലോക്കിന്റെ ശബ്ദം ഉറക്കത്തെ ശല്യപെടുത്തുന്നു.പുറത്തു നല്ല മഴയുണ്ട് .പുതപ്പിനടിയില്‍ കിടന്നുകൊണ്ട് മെല്ലെ ആ മഴയെ ശ്രവിച്ചു നോക്കി.വീടിനു മുകളില്‍ നിന്നും വെള്ളം വീഴുന്ന ശബ്ദം കേള്‍ക്കാം.വീണ്ടും ചെവി വിടര്‍ത്തി.കള്ളന്റെ ശബ്ദമുണ്ടോ. പണ്ടു ഞാന്‍ കള്ളനെ പിടിക്കുന്ന സ്വപ്നം കാണാറുണ്ടായിരുന്നു.അന്നൊക്കെ മനസ്സില്‍ വരാറുള്ളത് കറുത്ത കോട്ടിട്ട ജെയിംസ് ബോണ്ട് സ്റ്റൈലിലുള്ള കള്ളന്മാരെയാണ്.എന്നാല്‍ ഇന്നു കള്ളന്‍ എന്നാല്‍ ദാരിദ്ര്യം ആണോര്‍മ്മ വരിക.എല്ലാം..ഛെ എന്തിനാണിതോര്‍മ്മിക്കുന്നത് .ഉറങ്ങാം.മനസ്സെത്ര ചഞ്ചലമാണ്.ഒരു മഴയില്‍ നിന്നും ദാരിദ്ര്യം വരെയീ ഒരു നിമിഷം കൊണ്ടെത്തി.ഞാന്‍ അല്ലെങ്കിലും കാര്യമായി ദാരിദ്ര്യം അനുഭവിച്ചിട്ടില്ല.അച്ഛനും അമ്മയും മറ്റും അവരുടെ ചെറുപ്പത്തിലെ കഥകള്‍ പറയുമ്പോള്‍ എപ്പോഴും ഈ ദാരിദ്ര്യത്തെ കുറിച്ചും മറ്റും പറയാറുണ്ട്.എന്നെ സംബന്ധിച്ചടുത്തോളം നവോദയ വിദ്യാലയത്തില്‍ പഠിക്കുമ്പോള്‍ ഇഷ്ടമില്ലാത്ത വല്ല ഭക്ഷണവുമാണെന്കില്‍ തിന്നില്ല. അതാണ് പട്ടിണി.അച്ഛന്റെ ഒരു സുഹൃത്തായ കവിയൂര്‍ ബാലന്‍ പറഞ്ഞ വാക്കുകള്‍ ഓര്‍മ്മ വന്നു "money is not a matter;but money matters".ഇതെന്തിനാ ഈ പാതിരാത്രി ഉറക്കമില്ലാതാലോചിക്കുന്നെ.. ഉറങ്ങാന്‍ നോക്കാം.പുതപ്പിന് പുറത്തുണ്ടായിരുന്ന കാലിന്റെ ചെറുവിരലില്‍ ഒരു കൊതുക് കടിച്ചു.ശ്ശോ ഉറക്കം പോയി, മനസ്സിനെ ശപിച്ചു കൊണ്ടു മെല്ലെ എഴുന്നേറ്റു.വാതില്‍ തുറന്നു കംപ്യൂട്ടര്‍ ഓണ്‍ ചെയ്തു ഇന്റര്‍നെറ്റും ഓണ്‍ ആക്കി.ഇന്റര്‍നെറ്റ് എക്സ്പ്ലൊററില്‍ ക്ലിക്ക് ചെയ്തു.പിന്നെ മെല്ലെ എന്റെ ഓര്‍ക്കുട്ടില്‍ കയറി.പുതിയ സ്ക്രാപ്പ് ഉണ്ടോ,ഇല്ല ഉറക്കം വരുന്നതു വരെ ഓര്‍ക്കുട്ടില്‍ കഴിയാം. കീബൊര്‍ഡില്‍ മെല്ലെ ഞെക്കി തുടങ്ങി.ശബ്ദമുണ്ടാക്കിയാല്‍ അമ്മ എഴുന്നേല്ക്കും.പിന്നെ വെറുതെ കിടക്കേണ്ടി വരും.പുതിയ കമ്മ്യൂണിറ്റിയില്‍ ചേരാം. ഏത് കമ്മ്യൂണിറ്റിയില്‍ ചേരണം. മൗസ് മെല്ലെ മുകളിലോട്ട് ചലിപ്പിച്ചു മുകളിലത്തെ സേര്‍ച്ച് ബട്ടണില്‍ ക്ലിക്ക് ചെയ്തു.എന്നിട്ടാലോചിച്ചു. ഏത് കമ്മ്യൂണിറ്റിയില്‍ ചേരണം,ഉടന്‍ ഓര്‍മ്മ വന്നത് എന്റെ നാടാണ് .മുഴുവന്‍ സ്ഥലവും ചെഗുവേര എന്ന വിപ്ലവകാരിയുടെ പോസ്റ്ററുകള്‍ പതിച്ച എന്റെ നാട്.മെല്ലെ ടൈപ്പ് ചെയ്തു.'Ernesto cheguera'എന്റര്‍ അടിച്ചപ്പോഴേക്കും ആയിരത്തോളം റിസല്‍ട്ടുകള്‍ വന്നു.ക്യുബന്‍ വിപ്ലവത്തെയും ആ മഹാനായ വിപ്ലവകാരനെയും മെല്ലെ സ്മരിച്ചുകൊണ്ടാദ്യം കണ്ട കമ്മ്യൂണിറ്റിയില്‍ ജോയിന്‍ ചെയ്തു.ദാഹിക്കുന്നു.മെല്ലെ ചെന്നു കുപ്പിയിലെ വെള്ളം കുടിച്ചു.ഒന്നുരരാപപിനായി മുത്രവും ഒഴിച്ച് മെല്ലെ ശബ്ദമുണ്ടാക്കാതെ നടന്നു.അപ്പോഴാണ് അന്ന് ലൈബ്രറിയില്‍ നിന്നെടുത്ത മാധവിക്കുട്ടിയുടെ എന്റെ കഥ കണ്ടത്.മെല്ലെ അതെടുത്ത് കിടക്കയില്‍ ചാരിക്കിടന്ന് വായിക്കുവാന്‍ തുടങ്ങി.അവരുടെ കുട്ടിക്കാലം ആണാദ്യം.അവരുടെ കാലവും ബ്രിട്ടീഷ് ഭരണവും അന്നനുഭവിച്ച കഷ്ടങ്ങളും ആണതിലാദ്യം.അപ്പോള്‍ കമല സുരയ്യ എന്ന വിവാദ നായികയെ ഓര്‍മ്മ വന്നു.പലരും അവരെ വിമര്‍ശിച്ചതുമായി ഓര്‍മ്മ മെല്ലെ ഞാന്‍ ആ താളുകളില്ലേക്കായി. പുസ്തകം പഴകിയിരുന്നതിനാല്‍ അതിനൊരു പ്രത്യേക മണം.എനിക്കാ മണം ഇഷ്ടമല്ല.പുതിയ പുസ്തകങ്ങളുടെ മണം എനിക്കിഷ്ടമാണ്.കൊതുകുകൊണ്ട് ഞാന്‍ മെല്ലെ പുതപ്പെടുത്തു കഴുത്ത് വരെ മൂടിപ്പുതച്ചു.പിന്നെ ചെരിഞ്ഞു കിടന്നു വായിക്കാന് തുടങ്ങി.കണ്ണുകള്‍ മെല്ലെ അടയുന്നതുപോലെ.ഇല്ല, പിന്നെ ഉറങ്ങാം.വീണ്ടും വായന തുടര്‍ന്നു."ഡാ രാവിലെ ആയിട്ട് പോത്തിനെ പോലെ കിടന്നുറങ്ങുന്നു..ഇവനൊന്നും ഒരു ബോധമില്ലേ..നമ്മള്‍ അധ്വാനിക്കുന്നതാര്‍ക്ക് വേണ്ടിയാ ..ഇവര്‍ക്കിതെന്തെങ്കിലും അറിയാനാ..അവന്റെ ഉറക്കം.."അമ്മ വിളിക്കുന്നു.ങേ ഞാന്‍ എപ്പോഴാ ഉറങ്ങിയത്.ഈ അമ്മക്കെന്താ.ഞാന്‍ മെല്ലെ എഴുന്നേറ്റു.അവന് കമ്പ്യൂട്ടറും തുറന്നുവെച്ചിട്ടുറങ്ങുന്നു.എന്താണ്.ഈ കുട്ടിയെ കൊണ്ടു ഞാന്‍ തോറ്റു..ഞാന്‍ മെല്ലെ പല്ലു തേക്കുന്ന ബ്രഷുമായി എന്റെ ദിനചര്യകളിലേക്കു കടന്നു.